piece of life
this site the web

Ankh

Ankh



هو مفتاح الحياة ...  Ankh
تعريبه.. أنخ أو عنخ

يطلقون عليه أيضاً
Key of Life
Key of the Nile,
Cross of Life,
Crux Tau 2..
وله أسماء أخرى عديدة..

إنه واحد من أقوى العلامات الرمزية فى تاريخنا الفرعونى ..
كتميمة .. أو نوع من الحماية السحرية لحملته على ما يبدو ..
فهو فى قبضة الملوك والعامة يباركون به حياتهم الفانية ..
أو فى أطراف أصابع الدايات يهبون الحياة الأبدية لمن مات..
(الدايات :آلهة العالم الآخر)
هو دوماً هناك..وهنالك إصرار غريب على وجوده !




أنت هناك..هل تسألنى عن مفتاح الحياة..هل تسألنى عن دلالته..
حقاً هل تفعل.. عجباً  آلا تعلم ..!
ما من أحد إستطاع الجزم بذلك بعد..!

هنالك علماء من جنسيات متعددة أفنوا حياتهم فى البحث عن سر مفتاح الحياة
لكل منهم فرضيته التى قد تناقض بطبيعة الحال فرضية سواه..

يفترض Sir Alan Gardiner أن المفتاح يرمز لحزمة من خشب الصندل " sandal strap" لتشابه فى كتابة sandal strap  و ankh  بالهيروغليفية..

هنالك من رآى فيه الشمس الغاربة فى الآفق..

و هنالك من يرى فيه دلالة على الإجتماع الروحانى بين إيزيس و أوزوريس الذى كان له تأثير أساسى على وفرة مياة النيل..
قالوا كذلك أن الرأس البيضاوى يمثل النيل والإمتداد الرأسى من تحته يصف مساره
أما الذراعان على الجانبين فيمثلان جانبا مصر الشرقى والغربى..
بذلك يكون مفتاحنا هو هبة الحياة المتمثلة فى الـنـ ـيـ ــل

فى علوم الفلك يرمز لكوكب الزهرة..
و
فى الخيمياء3  لمعدن النحاس ..

ستجده وحيداً أو بصحبة رمزان طالما ظهرا معه..
·         ( Djed ) - رمز الثبات .
·         (Was) – رمز القوة .







الحياة والثبات و القوة
ثلاثة رموز..علينا أن نتوقع من اجتماعهم الكثير
...
يقولون أن الرموز الروحانية ليس لها معنى محدود أو بسيط ..
عليك أنت أن تكون إحساسك و إنطباعك حيالها..

لقد قالوا الكثير..وافترضوا ما هو أكثر..
و..بدأت رأسى تدور ... لنكتفى بهذا القدر إذا .

---

1: crux ansata.. Latin for cross-with-a-handle.
: tau ..  2
3 :الخيمياء .. الكيمياء القديمة, اهتمت بحث تحويل المعادن الرخيصة إلى الذهب..

صحيح..
 happy new year !

الموضوع ده زهقنى لدرجه انى نزلته بس علشان اخلص منه
بقاله كتير عندى وكل ما انزله احس انه غبى ..لسبب مش عارفاه
حد يجبر بخاطرى ويقول انه كويس !

. . T.A.X.I . .



T.A.X.I ....

"..شفتى الشمس عامله ازاى ..رهيبة , وانا داخله كنت هابعتلك رسالة علشان تشوفيها بس ملحقتش كنت متأخرة..
رغم الجو العجيب والتراب اللى احنا فيه الا ان شكلها فى حاجه مبهرة .. دائرة كاملة وقوية رغم ان مفيش حواليها اى آشعة..سبحان الله"
تاكس ... ... ... تمام
لا لا معاكى..أنا بس بوقف تاكسى ..ركبت خلاص !
... ... ... أشوفك على خير..مع السلامة .

إسترخيت فى مقعدى قليلا فى محاولة فاشلة  لترتيب أفكارى المبعثرة ها هنا وهناك...هنالك الكثير مما على فعله فى الساعة القادمة..الكثير فى وقت قصير..أمقت هذا تماماً ! لماذا لا يتوقف الزمن لبرهه أنهى فيها ما أريد بهدوء ثم يعود للعمل من جديد..هذا حقاً غريب..!
هنا توقف السائق لراكب آخر..كان يرتدى كمامة ..كمامة تقيه من ذلك الكائن الصغير شديد الصغر كبير التأثير..ذلك الفيروس الضئيل تمكن من جمع العالم كله على شعور واحد ..هو الخوف , آخيراً اتفقت كل الشعوب على شعور ما !
"إنت لا بسها علشان الإنفلونزا ولا التراب.." ..قالها السائق
"علشان الإنفلونزا.."..أجاب الراكب
"عارف كل ده كلام فاضى الناس فى بلاد بره عايشين عادى من غير كمامات ولا حاجه..المرض مش خطير أصلاً الخوف ع الناس الكبيرة أو اللى عندها أمراض اللهم أحفظنا.."
"هما عايشين عادى علشان اتطعموا ..انما احنا مخدناش تطعيم..وبعدين مش شرط ناس كبيرة فى ناس سنها صغير ماتت"
"بالك اننا زيهم..عارف الآكل العادى  بتاعنا ده يحمينا من أى حاجه ..لا تقولى تطعيم ولا دياوله هو فحل البصل والثوم ع الصبح أحسن من أى حاجه..الطبقات الراقية هما اللى يتخاف عليهم..الناس ديه متعرفش يعنى اى بصل "
فحل بصل وثوم ع الصبح ..يا خبر أسود..! ..ده أنا بقول لنفسى  !
يكمل السائق.."عارف اللى حصل فى نادى نادى سبورتنج.."
"أيوه بس ده بسبب الناس اللى جايه من بره.."
"سيبك من دول..خليك فى اللى اتعدوا..ديه ناس ورق ..بقولك مبياكلوش بصل ! .."
"عارف ليه نابليون معرفش يفتح عكا..يلا أجب ..
إستدار وسألنى يلا قولى لماذا لم يستطع نابليون فتح عكا..عارفه..
ابتسمت وهززت رأسى أن لا ..
" أنت عارف..؟"
"..مش عارف..تقريباً الوباء.."
لأ ما شاء الله عبقرى ! ..ده أنا بقول لنفسى

" أيوه أيوه ..الطاعون.."
"بالظبط .."
أنا كده اللى عبقرية !..برضه بقول لنفسى ..!
"أهو ده اللى يتقال عليه مرض خطير .."
هكذا أضاف السائق حكمته  !
و
"إمبارح وانا بتصفح النت فى جوجل قريت عن حاجات new لسه مكتشفينها عن الخس..الخس بتاعنا العادى ده مش الكابوتشى لا لا التانى او أعواد وورق كتير ده.. بيقولك الفراعنة كانوا بيحترموه جداً ..والله طعمه ملوش حل وفوايده كتير.."
بتصفح النت..جوجل ..مين ده !! ...اعتدلت فى مقعدى وأخذتنى ابتسامة كبيرة وقد شعرت بأن أذناى فى طريقها للإستمتاع....ولم يخب ظنى على الإطلاق..
"خلى بالك من الغسيل ..لازم يتغسل كويس.."
"أمال..بحط عليه حبة خل..بس والله لوغسلته كويس ونقعته فى حبة ميه كفايه.."

"عارفين أنا أفهم أحسن من مية محامى وممكن أسمعلكم كتب حقوق..معايا دبلوم تجارة بس ميغركوش مثقف قوى والله "
" أكيد العلم مش بالشهادات ..البنى آدم أكبر كتير من حتة ورقة ملهاش قيمة إلا بعقل صاحبها .."

تأملت تلك النفس الثرية الممتلئه بالحياة الجالسه ها هنا أمامى ..
...الكاسكته اللى لابسها جوه عربيته رغم ان مفيش شمس,
وأيده السمرا اللى باين عليها أثر الشقا والبهدلة..
تذكرت حديث الرسول صلى الله عليه وسلم ..حينما قال هذه يد يحبها الله ورسوله..
أخذنى عالمه الساحر ..تلك التركيبة الغريبة  لن تجدها إلا فى مصرى..

ولسه ..!

" أنا ليا أصحاب من كل دول العالم..بكلمهم ع النت ..بعمل معاهم  conversation ..ما أنا لبلب فى الإنجليزى ..ده أنا خطير ..آه والله ..ليا صديقة من ولاية لويزيانا ..
تتسع عيناى وكذلك ابتسامتى ..
لسه واخده التطعيم من كام يوم..قلتها you `ll feel sick علشان متتخضيش ..أصل التطعيم ده أصله فيرس برضه ..فيرس ضعيف يعنى..
..وأحسن من مية دكتور ...
جايه مصر قريب ..مستنيها تيجى  ..
يرن هاتفه المحمول..
"....لا لا لسه مشفتهاش مكنتش ع النت امبارح..اول امبارح قالتلى .......كلام كتير عن اجراءات السفر وعن أشياء ستجلبها معها لمصر ..يبدو أنه سيعمل على بيعها ....... ما هذا ..للآسف وصلت.

شوية كلام - بتحبها ولا ..؟


شويـــــة كــــلام

بتحبها ولا ..؟!

 
مـ صـ ر

أيه علاقتك بيها؟؟

أيوه يعنى بتحبها ولا أهى بلد والسلام...؟!

أهى لوكانده وأدينا عايشين فيها..

أحبها على أيه يعنى..

اللى ما شفت فيها يوم عدل!

يا فرحتك بشبابك يا مصر!





طب وسعادتك..

؟!

طبعاً بحبها...

ديه مصر ديه هى أمى..

مشفتينيش فى الماتش ولا أيه..؟؟!!

معلش كنت نايمه ساعتها!

 

معظم الشباب يا هايقولوا زى أخونا الاولانى  يا زى  إبن عمه التانى ...

طب بعد إذنكم يعنى لو بتقولوا زيهم كده .. عايزاكم  فـ عركه!

 

أخونا الأولانى بيقول إنها لوكانده والسلام وناسى إن حتى اللوكانده بيدفع لها إقامه..

مش عاجبه التعليم والدنيا الغاليه ومتضايق من الزحمه والتلوث  ...

معاه حق طبعا الحال مش قد كده ..

بس..هو مين اللى بيمشى الحال ده..؟!!

هى البلد ديه هتتقدم وتبقى أحسن إزاى طول ما حضرتك شايفها لوكانده وعامل فيها زبون وبتتأمر!

لا بقولك أقعد غنيلها طول النهار ولا أحلم بيها ولا روح أحلم بيها وأنت نايم..

بس خلي فيك خير ليها

لو ملكش خير فى بلدك اللى فيها أهلك وإصحابك وذكرياتك

هيبقى فيك خير لأيه طيب ..؟!!!





مصر ديه أرض وتاريخ وناس..

الارض والتاريخ الكلام عنهم مالى الكتب وإنت أكيد عارف قيمتهم كويس...

يبقى مافضلش غير الناس...الناس اللى أنت واحد منهم ...


عارفين
ربنا بيقول ان مصر فيها خير جنود الأرض
جندى كويس
=
حب و ولاء وتضحية
يعنى واحد بيموت نفسه علشان وطنه
أنا مصدقه كلام ربنا
علشان كده عارفه إنكوا بتحبوها ..بس مش واخدين بالكوا !

 

نيجى بقى لإبن عمه...

صباح الروقان والدماغ العاليه!

إزيك يا باشا عامل أيه .. منورنا يا كوتش والله..!

مصر كسبت ...مبروك...! *

بس ده كان ماتش كوره سعدتك!

ماتش الدنيا ده أيه نظامه معاك..؟!

جميل إنك ترفع العلم فى كل حته وترسمه على وشك وتهتف بإسم مصر...

والله بجد حاجه تفرح..

بس مصر عايزه منك حاجات تانيه كتير ..أكتر من علمها اللى مش بترفعه غير فى الماتش !

عايزاك تفرح بنهضتها وتساهم فى النهضة ديه ..زى ما بتشجع فى الماتش

خلى حبك إيجابى وإرفع رآس مصر..

أبو تريكه عمل اللى عليه فى مجاله ورفع راسها..خليه قدوه ليك

و

إعمل إنت كمان اللى عليك وأرفع رآسها



س ل ا م


*:الكلام ده مكتوب بتاريخ 18-3-2008 أيام نهائى كاس الأمم الأفريقية على ما أذكر..آآقصد إنه مكتوب قبل حرب الجزائر يعنى !


. . اتكلموا . .



اتـكلموا .. اتـكلموا .. اتـكلموا ...
محـلا  الكلام ، ماألزمه  وماأعظمه.
فى البـدء  كانت كـلمة الرب الاله ،
خلقت حياه ، والخلق منها اتعلموا


فــاتــكلمـوا


فى  البـدء  كـانت  كلمـة الـرب الالـه
روح  بجناحين شطار ، وصار  للكون مداه.
آخر  مطافهـا ، جت وحطت ع  الشفـاه ،
لما البشر مـلكوا الوجود ،  واستحكموا


فــاتــكلمـوا


الـكلمة أيد ، الـكلمة رجـل ،  الـكلمة باب ،
الـكلمة  نجمـه  كهربيــه  فى الضبـــاب
الـكلمة كوبـرى  صـلب فـوق بحر العباب ،
 الجـن يا أحبــاب ، ما يقــدر يهدمــه…

فــاتــكلمـوا


الـرمـل  مـرمـى  تحت قبـة السمـــا ،
مشتـاق لقطـره  من المطـر   فيها النمــا ،
مـلايين  سنين عمــره  ماداقهـا ، انمـــا
فيـه كلمـة  تقـدر فى  المراوى   تعومه


فــاتــكلمـوا


فيه كـلمة تقـدر تـزرع البور حـور ضليل ،
وكـلمة  تقـدر تـجعل  الـكوخ  بيت جميل ،
وابـو العيـال  والجـلابية  الهـــلاهيـل ،
فيه كـلمه تعطيـه مـال ،  وكـلمة تهندمـه ،


فــاتــكلمـوا


لكـم السـلام ، يا ملفوفيـن حـول اللـهب ،
يا غواصـين فى  القـلب ع الـكلمه العجب ،
فى  البــدء كانت كـلمة الـرحمـن سـبب
ومـا عـادش غيـر الحـق  كلـمة  تتممه ..


فـاتـــــكلموا



                                                                                                   

جــاهـيــن




" صدام..جمال..فسيخ "



" صدام..جمال..فسيخ "






البكتيريا
هذا العالم الكامل القاطن في كل مكان
فوق كل شىء .. تحت كل شىء ..بداخل كل شىء
عالم كامل
خارج سلطة قرنيتك .. التى إزدحم سطحها بالبكتيريا !

من بين عدد لا يحصى من الأصناف البكتيرية يطل علينا

Clostridium botulinum

بواحده من تلك العجائب التى يذخر بها كوننا الكبير
.
Clostridium botulinum  هو مصدر طبيعى للـ   Botulinum toxin المصنف كواحد من أخطر السموم العصبية في العالم .
تم تصنيفه كواحد من أخطر ست مواد موظفة لخدمة الحروب البيولوجية.
جرام واحد منه في الهواء يكفى للقضاء على أكثر من مليون إنسان دفعة واحدة !




يقال أن الرئيس الراحل صدام حسين كان لديه أطنان منه ,
ربما لم يفعل..وإن كان قد إستخدم غازات الأعصاب بالفعل..
بعيداً عن صحة هذا من عدمه ..لاريب أن غيره فعل ويفعل..
لعبة الحرب البيولوجية عجيبة حقاً..إنها لعبة على حياة البشر..
لعبة كيف تسيطر..كيف تتحكم..هى لعبة الشيطان .

..هكذا تجمع النفس البشرية أدوات هلاكها بأيديها..


دعك من هذا, تعال أريك هذه الصورة





إنها واحدة من تلك الصور الصالحة تماماً لإعلان عمليات التجميل المنتشرة حالياً
هيلارى العجوز المتجهمة حازت على بسمة ساحرة ووجه مفعم بالحيوية
مرحى سيدات المجتمع الفاضى..لننظم رحلة إلى طبيب تجميل!

السؤال ..ما علاقة هذا بما نقول ..؟!

أبداً ..كل ما في الأمر أن عمليات الـ Botox ليست سوى إحدى التطبيقات الطبية للـ Botulinum toxin !
يقوم بعمل شلل مؤقت (3-9 شهور) لعضلات الوجه المسئولة عن التجاعيد..
إذاً ..السم القاتل يقبع هناك بين ثنايا التجاعيد القديمة..!

.. سيدتى,, هكذا تحصلين على وجه مشرق ..


دعونى أخبركم أيضاً.. أن الـ Botulinum toxin يزورنا ها هنا في مصر أيام شم النسيم ,
نعم..إنه المسئول الأول عن تسمم الفسيخ !
تشنجات, غثيان, قىء, تشوش فى الرؤية, صعوبة فى الكلام, جفاف فى الحلق, صعوبة فى التنفس..
تظهر الأعراض خلال (8-12)ساعة..
لو لم يحصل المصاب على إسعاف جيد سيصاب بشلل فى الجهاز التنفسى يؤدى إلى الوفاة..
لتأمل أن تترك الممرضة فسيختها سريعاً وتستدعى الطبيب الذى سيترك فسيخته بدوره كى يأتى لإنقاذك!


قدم لمصاب بـ  Botulinum toxin

.. عليك أن تستمتع بأكل الفسيخ ..


ليكن..هكذا اجتمع

صدام..والجمال..والفسيخ
!
لا أملك سوى أن أسبح بإسم إله صاغ كل هذا

لنقف ..ونتفكر ..ونسبح

سبحان الله
.





Sources:
My team presentation..
"Medicinal application of bacterial toxins".
To know more..
click on the following numbers --> 1  2  3

 

The meaning of Ledge..

حينما تقف على حافة نافذتك بهدف الإنتحار..فأنت تقف على ledge حينما تصطدم سفينتك بالصخور وأنت فى عرض البحر..فأعلم أنك اصطدمت بـ ledge ! لا تقلق ..عالمنا آمن من تلك الناحية,ما من شىء تسقط عنه..ما من شىء قد يعرقلك..لدينا ما هو أخطر !

Usage Policies